Жаңа ғана Астанада Парламент палаталарының бірлескен
отырысы аяқталды. Депутаттар алдында сөйлеген Мемлекет басшысы Нұрсұлтан
Назарбаев Қазақстанның қауіпсіздігі үшін орын алуы мүмкін сын-қатерлерді
ескертуде барлық жұмыстарды атқару маңызды екенін қадап айтты - деп, «Қазақпарат» хабарлады.
Нұрсұлтан
Назарбаев, Қазақстан
Республикасының Президенті:
Парламенттің жаңа сессиясы күрделі жағдайда басталып отыр. Әлемдік экономикадағы болжамсыздық сақталуда, геосаяси,
оның ішінде Украинадағы оқиғаларға орай халықаралық қарым-қатынастар
әлсіреуімен байланысты тәуекелдер тереңдеп келеді. Әлемдік ЖІӨ-нің 60 пайызын
құрайтын мемлекеттер бір-біріне санкциялар қолдануда. Мұның барлығы да орын
алып отырған экономикалық қарым-қатынастар мен әлемдік тәртіпке айтарлықтай
түзетулер енгізуге түрткі болады. Қазақстанның және оның серіктестерінің
экономикалық өсімінің төмендеуіне әкеледі. Сондықтан да экономика, халықтың әл-ауқаты, Қазақстанның
қауіпсіздігі үшін орын алуы мүмкін теріс сын-қатерлердің алдын алуда барлық
жұмыстарды атқару маңызды.
Ләйлә ҚАЗИЯҚПАРОВА
