Бүгіннен бастап Шығыс Қазақстандағы
Семей мен Қатон-Қарағай бекеттеріне көмір жеткізіле басталды. Тұтынушылардың
берешегі көп болғандықтан осы екі аймақ отынның қорын уақытылы жасақтай
алмаған. Өңірдегі өзге аудан-қалаларда көмір
қоры 100 пайыздан асады.
Облыстық энергетика және коммуналды
шаруашылық басқармасының өкілдері барлық жылу-энерго орталықтары жылыту
маусымына әзір деп ақпарат таратуда. Алайда,
көмірдің қажетті қорын жасақтау үшін республикалық бюджеттен қаржылай қолдау
керек. Қазір аймаққа 1 миллиард теңге көлемінде дотация бөлу мәселесі үкіметте
қаралып жатыр. Жеке үйлер үшін көмір сататын орындар ашылды. Отынның 1 тоннасы
6.700 тенге. Мұнан бөлек әлеуметтік аз қорғалған тұрғындар үшін жеңілдік
қарастырылған.
Айтқазы Шерубаев, ШҚО энергетика және коммуналды
шаруашылық басқармасының басшысы:
Отынның қосымша қоры жеткілікті мөлшерде жеткізіледі. 1 қазанға дейін
жылыту маусымын бастауға толықтай әзір боламыз.
Базаркүл ОТЫНШИЕВА
