Экс-шенеуніктің ісі қайта қаралатын болды. Бұрынғы білім және ғылым
вице-министрі Саят Шаяхметовке қатысты қылмыстық іс қосымша тергеуге жіберілді.
Бұл туралы Астана қаласы Алматы аудандық нөмірі екінші соты хабарлайды. Мұндай
шешім экс-шенеуніктің адвокаты жасаған өтініштен кейін
қабылданып отыр.
Еске салайық, өткен жылы Саят Шаяхметовке Өскемен қаласында 700 орындық
білім мекемесінің құрылысы кезінде лауазымын асыра пайдаланды, мемлекетке 1
миллиард 100 миллион теңге шығын келтірді деген айып тағылған. Сотталушылар
қатарында бұрынғы вице-министрден өзге тағы 3 азамат бар. Айта кетейік, Саят
Шаяхметовке қарсы қылмыстық іс өткен жылдың 29 сәуірінде қозғалды. Ал экс- шенеуніктің өзі 2013 жылдың мамыр айынан бері үй
қамақта отыр.
Азамат АЛДОҢҒАРОВ
