«Шахтерді»
словакиялық маман жаттықтырмақ. Футбол командасының бас бапкері ретінде 51
жастағы Йозэф Вукушич бекітілді. Клуб ақпаратына сенсек, ол халықаралық
жаттықтырушы ретінде 15 жылдай тер төгіп жүрген маман. Ал Мишель Платини ФИФА
президенттігіне таласпайтынын мәлімдеді. Ол уақытын өзіне қарсы тағылған
айыптауларға қарсы күресуге жұмсамақ. Ал сайлаушылармен кездесуге уақыты да,
қаржысы да жоқ екенін мәлімдеді.
Естеріңізге сала кетсек, өткен күзде Швейцария
прокуратурасы ФИФА басшысы Зепп Блаттерге қарсы іс қозғады. Оны УЕФА басшысына
2 млн швейцарлық франк аударғаны үшін айыптады.
Аргентина, Боливия аумағында
өтіп жатқан «Дакар» жарысында қазақстандық команда өз орнын ұстап отыр. Жарысқа
қатысушылар теңіз деңгейнен 4600 метр биіктікке көтерілді. Бұл салмаққа Артур
Ардавичус басқарған қазақстандық «Tatra» командасы төтеп бере алды. Біздің
көлік мәре сызығын 21-ші болып кесті. Көлік рөлінде орын алған ақауларға
қарамастан, отандық жарысшылар «Дакардан» шығып қалмады.
