Душанбе
декларациясына қол қойылды. Маңызды құжат Шанхай ынтымақтастық ұйымына
мүше мемлекеттер басшылары
кеңесінің отырысынан кейін қабылданды.
Онда сөз сөйлеген Қазақстан Президенті қауіпсіздік саласындағы
ынтымақтастық, шекара мәселелері
бойынша өзара іс-қимыл туралы келісімге қол қою, терроризмге қарсы өңірлік
құрылым қызметін жетілдіру жайына тоқталды. Ауғанстанда тұрақтылықты қамтамасыз
ету және ішкі сындарлы диалогты қалыптастыру кезек күттірмейтін міндеттердің
қатарында тұрғанын айтты.
Жиын алдында Қазақстан Президенті Нұрсұлтан Назарбаев Тәжікстан
Президенті Эмомали Рахмонмен кездесті. Әңгіме барысында екіжақты
сауда-экономикалық, инвестициялық және мәдени-гуманитарлық ынтымақтастық
мәселелері талқыланды. Нұрсұлтан Назарбаев: "Тәжікстан еліміздің маңызды
серіктесі",- деді. Қазақстанның оған
жан-жақты қолдау көрсетуге әзір екенін айтты.
Сонымен қатар Нұрсұлтан
Назарбаев Иран мен «алтылық» елдері иранның ядролық бағдарламасы бойынша келісімге
қарашаға дейін қол жеткізеді деп үміттенетінін жеткізді.
Мемлекет
басшысы Ресей Президенті Владимир
Путинмен және Қытай Халық
Республикасының Төрағасы Си Цзиньпинмен кездесу өткізді.
Жұрағат БАМАН
