Еуроодақ пен АҚШтың Ресейге қатысты
шектеулері жақын жылдары мұнай өнімдері тапшылығы мен баға өсіміне себеп болуы
ықтимал. Бұл туралы пікірін «Файнаншал Таймс» басылымына «Бритиш Петролиум» экс-басшысы
Тони Хэйворд баяндады.
Оның айтуынша, батыстың санкциялары «Роснефть»
кәсіпорны мен «Эксон мобил»-дің бірлескен Арктикадағы мұнай барлау ісіне нұқсан
келтіруі мүмкін. Сондай-ақ, басылым,
санкциялар тек болашақ жобаларға ғана емес, ағымдағы іске асып жатқан
жобалардың іркілуіне де әкеп соғуы ықтималдығы жазуда.
«Фананшал Таймс» мысал ретінде «Эксон
мобил» мен «Роснефть»-тің «Сахалин-1» кен орнындағы бірлескен жобасын келтіріп
отыр. Санкциялардың ғаламдық қауіп-қатерін айта келе, Тони Хэйворд жақын
жылдары баға өсімі де болатындығын айтты.
Еске салайық, Еуроодақ пен АҚШ өткен
жұма күні Ресейге қатысты шектеулер көлемін ұлғайтқан-ды. Санкциялар «Газпром»,
«ЛУКОЙЛ», «Сургутнефтегаз», «Транснефть», «Газпромнефть» мұнай компаниялары мен
қызмет экспортына қатысты болған.
Жұрағат БАМАН
