Еуроодақ Ресейді барлық халықаралық
спорттық жарыстарды ұйымдастыру құқығынан айырумен қорқытып отыр. Bild неміс
газеті, бұл шаралар Украина мәселесіне байланысты, деп жазады.
Шектеу тізімінде 2018-жылы өтетін
футболдан Әлем чемпионаты, хоккейден 2016-жылғы әлем біріншілігі мен 2015-те
жүзуден әлемдік форум бар. Сондай-ақ, Ресейді Сочиде өтетін Формула-1 Гран-при
кезеңінің ұйымдастыруынан шеттету жоспарда. Санкциялар
23-қыркүйекте бекітілуі мүмкін.
Бұған дейін ФИФА президенті Йозеф
Блаттер мундиальға қарсылық білдірудің негізсіз екендігін және Ресей 2018-жылғы
Әлем чемпионатының қожайыны болып қала беретіндігі туралы айтқан. Блаттердің көзқарасын УЕФА басшысы - Мишель Платини мен Неміс
футбол одағының президенті - Вольфганг Нирсбах қолдап отыр. Ресей чемпионат
өткізу құқығын 2010-шы жылы алды. Мундиаль 2018-жылдың маусым айының 8 мен 18
аралығында өтеді деп күтілуде. Ал Гран-при ағымдағы жылдың 12-қазанында
Сочидің Олимпиада саябағының тас жолында өтпек. Формула-1 кезеңдерін өткізу туралы
келісім-шарт 2020-жылға дейін ұзартылу мүмкіндігімен жасалған.
Азамат АЛДОҢҒАРОВ
