Жақын күндері Қазақстандағы май құю
стансаларында Әзірбайжанның өнімі сатыла бастайды. Жанар-жағармайдың алғашқы 5
мың тонналық партиясы келесі аптада жеткізілетін болды. Бұл туралы Энергетика вице-министрі Ұзақбай Қарабалин
мәлімдеді.
Премьер-министрдің сайтында
жарияланған ақпарда, Қарабалин Әзірбайжанмен арада келісім жасалғанын,
болашақта қосымша тасымалдау туралы да келіссөз жүргізілетінін хабарлаған. Ресей бензинін жеткізу мәселесінің де жақын арада
шешілетінін жеткізді. Вице-министрдің айтуынша, Ресейден 69 мың тоннаға жуық
бензин жеткізу туралы келісім бар.
Сәкен ӘБДИЕВ
