Ресейдің Федерация кеңесінің
шенеуніктері АҚШ-қа барудан бас тартты. Бұл ақпаратты «Известия» басылымы
халықаралық комитеттің уақытша басшысы қызметін атқаратын Владимир Джабаровқа
сілтеме жасап таратты.
Оның сөзіне қарағанда, бұған Ресейге
қарсы қолданылған санкциялар себеп болған. Сондай-ақ, белгілі болғандай, Федерация
кеңесі Мәскеуге қарсы бағытты ұстанған Еуропалық одақ елдерімен жұмысын
тоқтатады. Бұл мәлімдеме АҚШ президенті Барак Обаманың БҰҰ бас ассамблеясында «Ресей - Эбола дертінен кейін әлемге төніп тұрған екінші қауіп», - деген сөзінен кейін жасалды.
Джабаровтың пайымдауынша, «Бұл шектеулер тек ресми іс-сапарларға ғана
бағытталған. Жеке сапарларға тыйым
жоқ».
Самат ҚАНАҒАТОВ
