«Форбс» журналы, «Майкрософт»
компаниясының негізін қалаушылардың бірі - Билл Гейтсті - ең жомарт америкалық
миллиардер деп атады.
Басылым келтірген мәлімет бойыншы, тек
өткен жылы Гейтс қайырымдылыққа 2 миллиард 65 миллион доллар жұмсапты.
Қаражаттың басым бөлігі малярия безгегі, полиомелит сынды өзге де қатерлі
дерттерге қарсы күрес шараларына бағытталған. АҚШ-тың ең жомарт миллиардерлері
тізімін белгілі инвестор Уоррен Баффет жалғастырады. Оның 2013 жылы қайырымдылыққа бағыттаған қаражат көлемі 2
миллиард 63 миллион долларды құрады.
Басылым келтірген тізімнің алғашқы
үштігін «ЭСТЕ ЛАУДЕР» косметикалық империясының мұрагері Леонард Лаудер
қорытындылайды. Өткен жылы ол нью-йорктық «Метрополитен» музейіне құны 1
миллиард 100 миллионды құрайтын 78 өнер туындысын сыйға тартқан. «Форбс» әзірлеген
жомарт ауқаттылардың тізімінде Facebook әлеуметтік желісінің негізін қалаушы Марк Цукерберг пен қаржыгер Джорж Сорос та бар.
Тоғжан ЖАЛҒАСБЕКҚЫЗЫ