Ресейдің Грозный қаласында жойқын жарылыс болды. Оқиға
халық Қала күнін тойлап жатқанда болған. Мерекелік концертке келген күдікті ер
азаматты тексеру кезінде, ол өзін-өзі жарып жіберді.
Салдарынан 4 полиция қызметкері қаза тапты. Жараланғандар да бар.
Шешенстан басшысы Рамзан Қадыров мұны
лаңкестік деп атап өтіп, оқиғаға қатысы бар адамдардың көзін жоямыз деп уәде
етті. Полиция өз-өзін жарып жіберген
жанкештінің жеке басын анықтады. Ол екі ай бұрын үйінен кетіп, осы күнге дейін
хабарсыз жүрген жергілікті тұрғын болып шықты.
Ләйла ҚАЗИЯҚПАРОВА