Қазақстан аумағына суық арктикалық
фронтты ауа райы жылжып келеді. Осының
әсерінен қазанның 7-нен 9-ына дейін ел аумақтарында күн суытып, кей жерлерде
қар жауады. Бұл туралы «ҚазГидромет» орталығынан хабарланды.
Синоптиктердің болжауынша, солтүстікте
екпінді жел тұрып, түнде -8 градусқа дейін суытады. Жаңбыр жауып, арты қарға ұласады. Оңтүстікте түнде -3
градус, күндіз +5 градус шамасында болады. Тек батыс облыстарда әдеттегі
нормадан 3 градусқа дейін көтеріліп, жылы ауа райы сақталады. Жалпы, биыл қыс ерте түсуі мүмкін. Мамандар,
қазан айының ортасынан бастап жауын-шашын қарға ұласып кетеді, деп болжауда.
Илхам ИБРАГИМ