«Нұр
Отанның» Мәжілістегі фракциясы партияның сыбайлас
жемқорлыққа қарсы іс-қимыл Бағдарламасының жобасын
мақұлдады. Билеуші партияның он жылға арналған жаңа Бағдарламасының жобасы
бүгін Парламент Мәжілісі төрағасының
орынбасары - «Нұр Отан» фракциясының
жетекшісі Дариға Назарбаеваның төрағалығымен өткен фракция
отырысында талқыланды. Келелі басқосуға
партия Төрағасының
бірінші
орынбасары Бауыржан Байбек, «Нұр Отанның» Мәжілістегі фракциясының мүшелері,
сондай-ақ Қазақстан халқы ассамблеясынан
сайланған депутаттар қатысты.
Фракция жетекшісі Дариға Назарбаева бұл жобаның
қоғам мен мемлекетті сыбайлас жемқорлыққа қарсы іс-қимылға жұмылдыратын маңызды
құжат екенін атап өтті. Онда «Қазақстан-2050» Стратегиясында қойылған
басты міндеттер ескерілген. Негізгі
мақсат - сыбайлас жемқорлықтың
кез-келген көрінісіне төзбеушілік мәдениетін қалыптастыру. Айта кетейік,
аталған құжаттың жобасы 6 мыңнан астам бастауыш партия ұйымдарының, өңірлік саяси
кеңестердің отырыстарында талқыланды. Тәуелсіз сарапшылар, үкіметтік емес және
ғылыми ұйымдар өз ұсыныстарын жолдады. Құжат тамыз айында «Қазақстан-2050»
Демократиялық күштердің жалпыұлттық коалициясында талқыланды. Партия
мүшелерінен, сарапшылар қауымдастығынан және интернет қолданушылардан 900-ге
жуық ұсыныстар түсіп, бағдарлама мәтіні
40 % -ға жетілдірілген.
Нұрлан
Әбдіров, ҚР Парламенті Мәжілісінің депутаты, «Нұр
Отан» партиясы фракциясының мүшесі:
«Қазақстан-2050»
Стартегиясының ауқымды міндеттерін іске асыру үшін, еліміздегі сыбайлас
жемқорлыққа қарсы әрекеттердің тиімділік сапасын арттыру қажет. Біз ұсынып
отырған Бағдарлама осыны көздейді.
Жиын қорытындысы
бойынша фракция
мүшелері сыбайлас
жемқорлыққа қарсы іс-қимыл Бағдарламасының жобасын бірауыздан қолдап, қаулы қабылдады.
Ләйлә
ҚАЗИЯҚПАРОВА
