Соңғы бір апта ішінде республикалық
және коммуналдық меншік пен ұлттық компаниялар активтерінің саудасынан мемлекет
қазынасына 3 миллиард теңгеге жуық табыс түсті. «gosreestr.kz» сайтында
қыркүйектің 7-сі мен 10-ы аралығында 7 келісім жасалды делінген.
«Самұрық-Қазына» қорының активтеріне
сұраныс жоғары. Қолда бар ақпаратқа сәйкес, жекешелендіру басталғалы еліміз
бойынша жалпы құны 4 миллиард 242 миллион теңгеге 67 нысан сатылыпты. Оның ішінде 153 миллион 900 мың теңгеге 3 республикалық
меншік сатылған. Коммуналдық 24 нысан 224 миллион 600 мың теңгеге саудаланыпты.
Ал ұлттық компаниялар мен холдингтер
үлесі бойынша 3 миллиард 863 миллионға 39 келісім жасалған. Қазір құны 12 миллиард 27 миллион теңгені құрайтын тағы 65
лот кезек күтуде. Оның тоғызы - республикалық
меншіктегі мүлік. Сондай-ақ, сатылымда коммуналдық меншіктегі 39 және ұлттық
компанияларға тиесілі 12 актив бар.
Азамат АЛДОҢҒАРОВ
