Шымкентте көмір бағасы қымбаттады.
Жылыту маусымының қарсаңында Шұбаркөл көмірінің тоннасы 1 мың теңгеге көтерілді,
- деп хабарлайды «Қазақпарат».
«Өткен жылы қала тұрғындары бұл
көмірдің тоннасын 9 мың теңгеге сатып алса, ағымдағы жылы оның бағасы 10 мың
теңге болды», - дейді көмір жеткізумен айналысатын «VIP-M» ЖШС қызметкері Ғани
Мырзабаев. Оның сөзіне қарағанда, бағаның
өсуіне теміржол тасымалының қымбаттауы себеп болған. Арзанырақ бағаға - 8700
теңгеге сатып алуға болатын көмір де бар, алайда оның сапасы төмен.
Үнемді тәсілдердің бірі - көмірді
бірден вагондардан сатып алу. Себебі,
тазартудан өткеннен кейін қатты отын бағасы қымбаттайды. Көмір тасымалдаумен
айналысатын компанияның мәліметтері бойынша, қалаға қысқа жеткілікті мөлшерде 90 мың тонна көмір жеткізілген.
