$448.72 €480.44 ₽5.56
×

Бас мүфти Ержан Маямеров жаңа мешіт салынатын орынға капсула салды

AstanaTV
17.10.2014ж. 13:00
1420
Бас мүфти Ержан Маямеров жаңа мешіт салынатын орынға капсула салды

Қызылжарда жаңа мешіт бой көтермек. Солтүстік Қазақстан облысына іс-сапармен келген Қазақстанның бас мүфтиі Ержан Маямеров күндердің абзалы - жұма күні құрылыс нысанына капсула салды. Жаңа ғибадатхана 500 орынға шақталады.

Айта кеттейік, мешіт қайырымды жандардың қаражатына салынбақ. Нысан құрылысына қанша қаржы жұмсалатыны әзірге белгісіз. Себебі, жобалық-сметалық құжаттамасы әлі дайын емес. Игілікті істі жергілікті әкімдік те қолдап, 1,2 гектар жер телімін бөлді.

Петропавлда қазір 2 Алла үйі бар. Оның екеуі де қаланың орталық шебінде орналасқан. Жаңа құрылысқа шаһардың шеткері аудандарында тұратын халықтың қуанышы ерекше. Ғимараттың құрылысы келесі жылы басталады деп жоспарланған.

Абзал ҚҰРМАНКИН