Елбасы Нұрсұлтан Назарбаев Дубайда
өтетін X-шы Дүниежүзілік ислам экономикалық форумына қатысады. Бұл туралы
Ақорданың баспасөз қызметі хабарлайды.
Қазанның 28-і Қазақстан Президенті
Біріккен Араб Әмірліктеріне жұмыс сапарымен барады деп жоспарланып отыр. Биылғы форум «Экономикалық өсім жолындағы инновациялық
серіктестік» тақырыбына арналған.
Дүниежүзілік ислам экономикалық форумы
- Ислам конференциясы ұйымына мүше мемлекеттердің жыл сайын өтетін негізгі
экономикалық саммиті. Оның жұмысына бірқатар
шет мемлекеттердің басшылары және үкімет жетекшілері, халықаралық ұйымдар мен
іскерлік топтардың басшылары мен өкілдері, сондай-ақ сарапшылар, ғалымдар және
қоғам қайраткерлері қатысады.
Тоғжан ЖАЛҒАСБЕКҚЫЗЫ
