Қате жазылған көше аттарымен күрес
республика бойынша қолға алынбақшы. Бұл жайында бүгін Қарағандыда өткен
«Жаһандану бағытындағы ұлттық ономастика» республикалық ғылыми-тәжірибелік
конференциясында айтылды.
Соңғы 4 жылда тұңғыш рет
ұйымдастырылып отырған көшпелі мәжіліске тіл жанашырлары келді. Олар қазіргі қазақ ономастикасының кемшін тұстарын сөз
етті. Айтуларынша, кеңестік кезден қалған қисынсыз көше, елді мекен атаулары,
сондай-ақ жалғаулары аударылмай қалған көшелер ел аумағында жетіп артылады.
Сондықтан, мамандар биыл жүздеген атауларды қайта қарамақ. Сондай-ақ, жер-су аттарының
байырғы атауларын зерттеу жүзеге аспақ. Ол үшін кей елді мекендердің
ескі картасын шетелдік мұрағаттардан іздестірілуі жолға қойылмақ.
Жабал Ерғалиев, ҚР Үкіметі жанындағы республикалық
ономастика комиссиясының мүшесі:
Түрлі қоғамдық формацияларға байланысты патшалық ресей князь, мұжықтарының,
олардың әйелдерінің есімдерімен аталған жерлер көп. Оларды түзетуге ғылыми
тұрғыдан қарауымыз керек.
А.КУАШ
