Сүлейман Демирель атындағы
университеттің ізденімпаз ғалымдарының бастамасымен әдебиет пен ақпараттық
технология мүмкіндіктерін бір арнада тоғыстыратын «Сөз өнерін зерттеу орталығы»
ашылды. Ғылыми орталықтың басты ерекшеліктері - негізгі бас зертхана онлайн
жүйесімен жұмыс істейді, деп хабарлайды «Айқын» басылымы.
Бұл сайттың тиімділігі - әр тұтынушы
сайтқа тіркелу арқылы өзінің туындыларын, дәрістерін енгізіп, керекті
материалдарды тіркей алады. Орталықтың тұсаукесерінде сөз алған университет
басшылығы бұл бағытта барлық көмектерін аямайтынын жеткізді.
Алдағы міндет - бабалар сөзін және
халық әдебиетін, сондай-ақ әлемдік сөз өнері жауһарларын жүйелі зерттеу,
таныту, насихаттау, әдебиетті қоғамның барлық тетіктерімен бизнес, медиа тағы
басқа салалармен тұрақты байланысын қалыптастыру, гуманитарлық ғылымдардың
қоғамдық беделін көтеру, талантты зерттеушілерге мүмкіндік жасау. Сондай-ақ, өзіміздің төл әдебиетіміз арқылы қазақ мәдениетін
насихаттау.
Мөлдір ДҮЙСЕКИНА
