АҚШ-тың солтүстік-шығысындағы толассыз жауған
қардың салдарынан қаза тапқандар саны артуда. Бұл туралы ресейлік жаңалықтар агенттігі хабарлайды.
Соңғы мәліметтерге сәйкес, 8 адам ажал құшты. Жергілікті
биліктің хабарлауынша, Нью-Йорк штатында алты адам және Нью-Гэмпшир мен Мичиган
штаттарында тағы екі адам көз жұмған.
Ал, метеорологтар жауын-шашын күшейіп, жақын
аймақтарда жылдық нормадағы қар түсуі мүмкін, дегенді айтады. Нью-Йорктың
он округінде табиғаттың тосын мінезі салдарынан төтенше жағдай режимі
енгізілді. Баффало қаласының халықаралық әуежайында әуерейстердің 40 пайызға
жуығы тоқтатылды, ал көптеген елді мекендерде көлік қозғалысы қиындай түскен.
Мөлдір БАҚЫТ-ҚЫЗЫ
