Елбасы Нұрсұлтан Назарбаев елдің Бас жаңа жылдық шыршасының шамдарын жағу салтанатына қатысты.
Президент барша қазақстандықтарды алдағы Жаңа жыл мерекесімен құттықтады.
Нұрсұлтан
Назарбаев,
Қазақстан Республикасының Президенті:
Балалар
бақытты болса, ел бақытты. Сендер үшін бүгін біз еліміздің ең негізгі шыршасын
жағайық деп отырмыз. Жаңа жыл деген - ол ертегі. Жаңа
жыл деген -
арман. Жаңа жыл деген - күтіп отыратын
мәселе. Сондықтан келе жатқан Жаңа жылдарыңыз құтты болсын!
Биыл
Қазақстанның Бас шыршасы Ақорда алдында емес, «Астана Опера» театрының алаңында
орнатылды. «Бақыт
құсы»
деп аталған шыршаның биіктігі - 25 метр. Ол жүздеген ойыншықтармен
безендірілген. Шамдары да ерекше көрік беріп тұр. Бас шыршамен бір мезгілде
республикадағы барлық шыршалардың шамдары жағылды.
Ләйлә ҚАЗИЯҚПАРОВА
