Қарағандыда жол апатынан зардап
шеккен жедел жәрдем көлігінің жүргізушісі мен фельдшер әлі есін жиған жоқ. Бұл
жайында арнамызға облыстық жедел жәрдем орталығының өкілдері хабарлады.
Демалыс күндері автобус пен жедел жәрдем көлігі бетпе-бет соқтығысқан болатын.
Куәгерлердің айтуынша, 40-бағыттағы жолаушылар автобусы қарама-қарсы бағытқа
шығып кеткен. Осы мезетте ол жедел жәрдем көлігіне соғылады. Соңғы көліктегі
екі адам дене жарақаттарымен ауруханаға жеткізілген. Апаттың нақты себебі
анықталып жатыр.
Ішкі істер департаменті өкілінің мәлімдеуінше, соңғы кезде
қоғамдық көліктердің қатысуымен болатын жол-көлік оқиғалары жиілеп кеткен. Биыл
автобус жүргізушілерінің кінәсінен 30 жол апаты орын алып, 5 адамның өмірі
қиылды. Тағы 32 адам түрлі деңгейде жарақат алған.
Бақытжан Құдияров, Қарағанды
облыстық ІІД мемлекеттік тіл және ақпарат басқармасының басшысы:
Болжам бойынша, автобустың
жүргізушісі көлікті басқара алмай қалып, ВАЗ көлігімен соқтығысқан. Қылмыстық
іс қозғалып, сараптамалар тағайындалды.
Айжан ҚУАШ
