Жаңа жыл қарсаңында ел ішіне, сондай-ақ
көршілес Ресейдің бірнеше қалаларына қатынайтын қосымша жолаушылар пойыздары
сапарға шығады.
«Жолаушылар тасымалы» акционерлік қоғамы
мұндай бір реттік қосымша пойыздары арқылы мереке алдындағы билет тапшылығын
шешуді мақсат еткен.
Жаңа кесте төмендегідей:
26, 30 желтоқсанда Алматы-2 - Арыс-1,
27, 29 желтоқсанда Алматы-Көкшетау,
29-30 желтоқсанда Астана-Қостанай,
Астана-Арыс,
сондай-ақ 27, 28, 29, 30 желтоқсан
күндері Маңғышлақ-Бейнеу бағыты бойынша пойыздар жүреді.
Ал, көршілес Ресейге қатынайтын
халықаралық бағыт: Новосібір-Алматы, Новокузнецк-Қарағанды бағытында
жоспарлануда.
«Жолаушылар тасымалы» мекемесінің
баспасөз қызметі хабарлағандай, аталған шара жолаушылардың сұраныстары бойынша
қабылданды. Бағыттар тек бір реттік кесте
ретінде бекітіледі.
Азамат АЛДОҢҒАРОВ
