Бүгін еліміздің
басым аумағында бұрқасындатып, қалың қар түседі. «Қазгидрометтің» хабарлауынша,
ауа райының тұрақсыздығы атмосфералық ағындардың өтуіне байланысты.
Солтүстік-батыста
түнде жауын-шашынды болып, соңы қарға айналады, - деп жазады «Қазақпарат». Артынша
тұман түсіп, бұрқасын көтеріледі. Алматы, Батыс Қазақстан, Қостанай, Солтүстік
Қазақстан, Ақмола, Ақтөбе облыстарында
желдің күшеюі секундына 15-20 метрге дейін жетпек. Мұндай құбылыс
Атырау, Шығыс Қазақстан, Маңғыстау, Қызылорда, Қарағанды, Жамбыл облыстарында да байқалады.
Сондай-ақ,
алдағы тәуліктерде республиканың оңтүстік-шығысы мен шығыс аймағындағы
өзендерде су деңгейі құбылады. Оңтүстікте таулы аймақтардағы өзендерде
жауын-шашынның мол түсуінен су деңгейі көтерілуі ықтимал.
Ләйлә ҚАЗИЯҚПАРОВА
