Биыл әлем
бойынша 7 млн-нан астам бала Санта Клаустың атына хат жолдаған. Бұл туралы
Бүкіләлемдік пошта одағынан хабарлады, - деп жазады «Қазақпарат».
Сәбилердің
арман-тілегі жазылған хаттар Канада мен Францияның пошта бөлімдерінде рекордтық
көрсеткішке жететін түрі бар. Өткен жылы осы елдердің әрқайсысында 1 млн-нан
астам бала пошта арқылы мерекелік
тапсырыстарын жіберген.
Көптеген
елдерде аз қамтылған отбасы балаларына Сантадан сыйлық тапсыруды қарастыратын
әлеуметтік бағдарламалар бар. Мәселен, Португалияда балалардың хаттары арнайы
веб-сайтқа орналастырылады, осылайша, кез келген адам олардың арманын орындай
алады.
Ал, АҚШ-та
«Сантаға хат» арнайы бағдарламасына 20-дан астам пошта бөлімшелері атсалысады. Балалар
көбіне ойыншықты қалайды, алайда соңғы кезде киім-кешек, үй жануарларын,
сонымен қатар, іні-қарындастарының болуын сұрайтындардың қатары көбейген.
Базаркүл ОТЫНШИЕВА
