Қазақстанда кәмелеттік жасқа толмаған жасөспірімдер мен аяғы ауыр
келіншектер үшін әкімшілік айыппұлдар 30 пайызға қысқаруы мүмкін. Бұл туралы
бүгін орталық коммуникациялар қызметінде Әділет министрінің орынбасары Зәуреш
Баймолдина мәлімдеді.
Енді судья жазаны жеңілдететін мән-жайды ескере отырып айыппұл
көлемін өз бетінше шегере алады. Жаңа әкімшілік кодекс, сондай-ақ әкімшілік
қылмыстың бір айлық есептік көрсеткіш түріндегі көлемін де қайта қарайтын
көрінеді.