Қырғызстан азаматы Хайрулложон Матанов Бостондағы лаңкестік актіні тергеген құқық қорғау органдарына
жалған ақпарат бергенін мойындамақ. Бұл туралы АҚШ соты жариялаған құжаттар
айғақтайды,- деп ТАСС агенттігі хабарлады.
Прокуратураның ақпарына сай, Куинси
қаласында такси жүргізушісі болып
істеген Матанов басты күдіктілер ағайынды Тамерлан мен Джохар Царнаевтың досы
болған.
Еске салайық, 2013 жылдың сәуірінде АҚШ-тың Бостон қаласында марафон мәресі маңында арақашықтығы 12
секундтан екі жарылыс болған еді. Лаңкестердің әрекеті қайғылы жағдайға
соқтырып, 3 адам қаза тапты.Тағы да 260-тан астам тұрғын жараланды. Ал жарылысты
жасады деп айыпталған ағалы-інілі Царнаевтар сотқа тартылды.
Сондай-ақ, қазақстандық қос студент Диас Қадырбаев пен
Азамат Тәжияқов лаңкестердің кішісі
Джохар Царнаевқа айғақтарды жасыруға жәрдем жасады деп құрықталды.
Базаргүл ОТЫНШИЕВА
