Жезқазғанда қызметтік қару ұрлаған полицейлерге қатысты сот отырысы
басталды. Күдіктілер - қалалық ішкі істер басқармасының екі
қызметкері мен «Сарбаз-2001» қару-жарақ дүкенінің сатушысы. Жезқазған қалалық
соты өкілінің хабарлауынша, күдіктілердің үстінен Қылмыстық кодекстің 3 бірдей
бабы бойынша іс қозғалған. Судья мәлімдегендей, олар қару-жарақты сақтап,
сатумен қатар, қызметтік лауазымын асыра пайдаланған. Егер кінәсі дәлелденсе, 3-тен 12 жылға дейін
бас бостандықтарынан айырылуы мүмкін.
Еске салайық, өткен жылы қазанда
Жезқазған қалалық ішкі істер басқармасының инспекторлары 20-ға жуық оқ-дәрі мен
қару-жарақ ұрлады деген күдікпен қамауға алынған.
Кенжеболат Жаппаров, Жезқазған қалалық сотының судьясы:
Күдіктілер - бұрынғы полицейлер. Олар қару ұрлады деген күдік бар.
Өз кінәларын толық мойындады. Қарулар қайтарылды. Олар әртүрлі мерзімге
сотталып, жауапкершілікке тартылады.
Айжан ҚУАШ
