Щучье-Бурабай курортты
аймағын дамыту бағдарламасының екінші кезеңіне мемлекеттен 48 миллиардқа жуық
қаражат бөлінген. Бұл туралы Бурабай ауданында өткен мәжілісте айтылды.
2012-2013 жылдары, яғни
бағдарламаның бірінші кезеңінде атқарылған жұмыстар баршылық. Ал, екінші
кезеңде 85 бағыттағы шаруаны жүзеге асыру жоспарланып отыр.
Оның ішінде
Шучье-Бурабай аймағының жолдары, инженерлік инфрақұрылымдары мен экология
мәселесі бар. Ал, туристерге қолайлы демалыс орындары мен шипажайлар құрылысын
жүргізу үшін инвестиция тартылмақ.
«Туристік аймақтың
құрылысы - бағдарлама бойынша 2016-жылы аяқталуы тиіс. Ал, 2017 жылы дәл осы
аймаққа ЭКСПО көрмесіне келген туристер
тартылатын болады»,- дейді облыстық туризм басқармасының басшысы.
Шынарбек Батырханов,
Ақмола облыстық туризм басқармасының басшысы:
Біздің бір суткалы
жағдайымыз 12 мың туристке дейін қабылдайтын жағдайымыз бар. Ал, енді ЭКСПО-ға
байланысты біз қазір аудандар бойынша осы Шуцье-Бурабай аймағында тағы 40-тан
астам жобаларды орындап, өзіміздің бар орындарды 1 жарым мыңға көбейтіп
жатырмыз. Сол туристерді қабылдау үшін 1500 жаңа орын ашылады.
Т. АМАНАЛИЕВА
