Қазақстан Президенті Нұрсұлтан Назарбаев Сауд Арабиясы Корольдігі тағына
отырған Салман бен Әбдел Әзиз Әл Саудқа құттықтау жеделхатын жолдады. Бұл жөнінде
Ақорданың баспасөз қызметі хабарлады. Нұрсұлтан Назарбаев корольге Қазақстан
халқының және жеке өзінің атынан ізгі тілегін жеткізді.
«Сіздің басшылығыңызбен
Сауд Арабиясы Корольдігі ислам жамағатына қызмет етуді мақсат тұтқан саясатын
табысты жалғастырарына сенімдімін. Корольдіктің жаңа белестерге көтерілуіне
және халықаралық аренадағы рөлінің артуына тілектестік білдіремін», - делінген
жеделхатта. Мемлекет басшысы Қазақстан мен Сауд Арабиясы арасындағы достық және
әріптестік қатынастар екі елдің игілігі жолында тереңдей береріне де тоқталды.
Базаргүл ОТЫНШИЕВА
