АҚШ құпия қызметінің
өкілдері Ақ үй аумағынан шағын ұшқышсыз ұшақ тауып алды. Бұл туралы рейтерс
хабарлады. Белгісіз ұшатын зат еш қауіп төндірмеген, алайда, ақ үй лезде
қауіпсіздік шараларын қолданған.
Ал құрама штаттар
президенті Барак Обама ол кезде іс-
сапарымен Үндістанда жүрді делінген ақпарда. Айта кетейік, АҚШ лидерін қорғаушы
астыртын қызмет бұдан бұрын да бірнеше рет қателіктерге жол берген.
Салдарынан құпия қызмет
басшысы Джулия Пирсон қызмет орнын босатуға дейін барған. Еске салсақ, өткен
жылдың қыркүйегінде суық қаруы бар белгісіз адам ақ үй аумағына еш кедергісіз
кіріп кеткен. Одан бұрын қаруланған жеке фирма күзетшісі Барак Обамамен бірге
бір лифтке мінген болатын.
Жұрағат БАМАН
