Теннистен
Австралия ашық чемпионаты жалғасуда. Әйелдер жарысында финалға шыққан
спортшылар белгілі болды. Жартылай финалда қарсыластарының алдын орап кеткен
Мария Шарапова мен Серена Уильямс бас жүлде үшін таласады. Тақырыпты Самат
Қанағатов тарқатады.
АҚШ
спортшысы Серена Уильямс ақтық сынға жолдама алды. Жартылай финалда отандасы
Мэдисон Кизбен кортқа шыққан әлемнің бірінші ракеткасы екі сетте жеңіске жетті.
Тартысты өткен бірінші сетте Уильямс тек тай-брейкте үздік шықты. Үзілістен
кейін басымдығын нығайтқан Австралия ашық чемпионатының 5 дүркін жеңімпазы ұпай
санын арттырды. Өз кезегінде қарсыласының қарқынына төтеп бере алмаған Мэдисон
Киз жеңілісін мойындады.
Екінші
жартылай финалда Ресей спортшылары Мария Шарапова мен Екатерина Макарова өзара
мықтыны анықтады. Бұл кездесу толығымен Шарапованың басымдығымен өтті. Тура
соққылармен ерекешеленіп, қорғаныста қателікке бой алдырмаған әлемнің екінші
ракеткасы екі сетте басым түсті. Енді финалда Мария Шарапова Серена Уильямспен
бас жүлдені сарапқа салады. Спортшылар өзара 48 мәрте жолықты. 16
жекпе-жекте Уильямс үздік шықса, тек екі жолы ғана ресейлік кездесуді өз
пайдасына шешті.
Елордалық
«Барыс»
командасы жанкүйерлерін қуантты. Құрлықтық хоккей лигасының кезекті турында
Череповец қаласының «Северсталь» клубын қабылдаған
Андрей Назаровтың шәкірттері 3-2 есебімен басым түсті. Бұл ойындағы алғашқы
голды Майк Ландин соқты. Бірақ, қуаныш көпке созылмады. Қарымта шабуылға шыққан
қонақтар екі шайбамен жауап қайтарды. Алдымен Павел Чернов таразы басын
теңестірсе, келесі сәтте Максим Трунев қақпашы Павел Поуэктовты қапы қалдырды.
Дегенмен, жұдырықтай жұмылған қазақстандық ұжым,
кездесудің аяқталуына 28 секунд қалғанда, Роман
Старченконың көмегімен таразы басын теңестірді. Ал жеке шеберлігімен көзге
түскен шабуылшы Найджэл Доус «Қазақстан» спорт сарайына
келген 4 мың жанкүйердің қошеметіне бөленді.
Келесі
кездесуін «Барыс»
командасы Мәскеудің «ЦСКА»
клубына қарсы өткізеді.
Самат ҚАНАҒАТОВ
