Астанада сау туған нәрестесін көлікке айырбастамақ болған ерлі-зайыпты
ұсталды. 29-қаңтарда қалалық Ішкі істер департаменті қызметкерлеріне-жаңа
туған нәрестені «Тойота Камри» автокөлігіне айырбастамақшы болған отбасы туралы
ақпарат түскен.
Жедел-іздестіру шараларының нәтижесінде, 25 жастағы әйел мен 29
жасар ер азамат-көлікті өздеріне рәсімдеп, баланы нотариалды түрде сенімхатпен
беріп жатқан жерінде қолға түсті. Ұсталған азамат 5 жылдан бері Қазақстан
азаматы.
Ал, азаматша ықтияр хатпен тұрып жатқан. Ерлі-зайыптының екеуі де
Өзбекстанның тумасы. Әйел жұмыссыз, ал күйеуі қалалық кәсіпорындардың бірінде
жұмыс істейді екен. Көлікке айырбастамақ болған ұл бала 27-қаңтарда 3,8 келі
болып, сап-сау туылған.
Қазіргі уақытта нәресте балалар ауруханасында
жатыр. Ал, аталған факті бойынша, қылмыстық кодекстің 135 бабы 2-бөлімі бойынша қылмыстық іс қозғалып, арнайы
тергеу амалдары жүргізілуде.
София Қылышбекова, Астана қалалық ІІД баспасөз қызметінің жетекшісі:
Ұсталғандарға қатысты соттың санкциясы бойынша, олар қамауға алынып, қазір
тергеу изоляторына тоғытылды. Кәмілеттік жасқа толмағандарды саудаға салу
фактісі бойынша егер де осы дәлелденсе, ерлі-зайыптылар 7 жылдан 10 жылға дейін
бас бостандығынан айырылуы мүмкін.
Тоғжан АМАНАЛИЕВА
