Қазақстандық энергетиктер президент сайлауын 2015 жылы өткізу бастамасын
қолдайды. Бүгін құрамына мұнай және газ саласының, өзге де энергетикалық
кешендердің 80 ірі субъектісі кіретін «Қазэнерджи» қауымдастығының мүшелері
осындай пікірін білдірді. Энергетиктер президент сайлауын биыл өткізу «ел
ішіндегі тұрақтылыққа оң әсер етеді» дегенді де баса айтты.
Әсет Мағауов, «KAZENERGY» қауымдастығының бас директоры:
2015 жылы президент сайлауын өткізу Қазақстанға тұрақтылықты әрі қарай
өркендеуді қамтамасыз ететініне және Қазақстанның әлемнің дамыған 30 елі
қатарына енуіне табысты фактор боларына сенеміз.
Азамат АЛДОҢҒАРОВ
