Өткен жылы
киллердің құрбаны бола жаздаған кәсіпкер Игорь Кудин «Астана» телеарнасының
тілшілеріне маңызды мәлімдеме жасады. Тапсырыспен
жасалған шабуылға күдікті деп танылғандар сот алдында жауап беруде.
Кезекті отырыс
бүгін қалалық әскери сотта өтті. Қылмысқа тапсырыс берген адам, делдал және
киллер заң алдында жауапқа тартылды. Аты-шулы іске Ұлттық қауіпсіздік
комитетінің бұрынғы қызметкерінің қатысы болуы мүмкін.
Бұл іс
Астанадағы бәсекелестердің соғысымен байланысты. Мұнда ұйымдасқан қылмыстық
топтар бар. Олар кәсіпкерлердің көзін құртып отырады. Ал тапсырыс берушінің ісі
бөлек қаралып жатыр.
Еске салайық,
2014 жылдың наурызында Астана маңындағы Энергетик ауылында жеке кәсіпкер
Кудинге шабуыл жасалды. Белгісіз біреу оған Макаров тапаншасынан үш рет оқ
атады. Ауыр жарақат алса да, кәсіпкер аман қалған. Ал күдіктілер кезекті
қылмысты ұйымдастыру кезінде қолға түседі.
Егер Кудинді
өлтіргім келсе, өлтірер едім. Желкесінен ата салар едім, болды. Ал түсінік беру
арқылы мен өз кінәмді мойындағанымды растаймын. Мені тыныш қалдырсын дедім.
Полицейлер
қылмыстың тапсырыспен жасалғанын анықтады. Кісі өлтіруге тырысқан күдіктінің
бұған дейін қасақана адам өлтіру, қару ұрлау істері бойынша сотталғаны белгілі
болды. Ал ұйымдастырушы Ұлттық қауіпсіздік қызметінде жұмыс істеген.
Тәртіп
сақшылары қылмыстың себебін де анықтады. Тапсырыс берушілер кәсіпкердің
бизнесіне көз тіккен болуы керек.
Айгүл ӘДЕПБАЙ
