«Таза
су, саф ауа, жайқалған жасыл желек». Бұл Қазақстан Республикасы Президенттігіне
кандидат Әбілғазы Құсайыновтың басты ұраны. Бүгінде үміткердің аймақтардағы
сайлауалды штабтары үгіт-насихат жұмыстарымен белсенді айналысуда. Мәселен, Солтүстік Қазақстан
облысындағы штаб өкілдері жоспарға сәйкес барлық іс шаралардың жүзеге асырылып
жатқанын айтады.
«Әлемде
мұхит, теңіз суларының ластануы мен өндіріс қалдықтарының табиғатқа тигізген
орасан зияны». Бүгінгі әңгіменің тақырыбы осы. Солтүстік Қазақстандағы өңірлік
штабтың отырысына қатысқан Әбілғазы Құсайынов бұл жәйттерге терең тоқталды.
«Экологияның маңыздылығы, оның адам өмірі үшін ең басты мәселе екендігі
сайлаушыларға жетуі тиіс»,- деді.
Әбілғазы
Құсайынов, Қазақстан Республикасы
Президенттігіне кандидат:
Адамның
өнеркәсіптік қызметі нәтижесінде биологиялық әртүрліліктің азаюы сияқты
жаһандық экологиялық мәселелер айрықша өзекті болып табылады.
Үміткер
жергілікті тұрғындарды ауыз сумен қамтамасыз етіп отырған «Қызылжар су»
мекемесінің еңбеккерлерімен кездесті. Әңгіме барысында «Экологиялық және
өнеркәсіптік қауіпсіздік - біздің басты міндетіміз» атты сайлауалды тұғырнамасының
негізгі мақсат-міндеттерін түсіндірді. Қоршаған ортаның қауіпсіздігі - бүгінде
әлем назарын аударып отырған мәселенің бірі. Президеттікке кандидат Әбілғазы
Құсайынов теріскей халқымен кездесуінде дүниежүзі бойынша экологияны сақтаудың
негізгі жолдарына тоқталды.
Әбілғазы
Құсайынов, Қазақстан Республикасы
Президенттігіне кандидат:
Адамның
табиғатқа деген ұқыпсыз қарым-қатынасын болмыс не уақыт талабы ретінде
қабылдауға болмайды. Адамның тіршілік әрекеті жүздеген жылдар бойы тек бүлдіруге
бағытталды, егер енді жасампаздық дәуіріне өтпесек, әлемді экологиялық апат
күтіп тұр.
«Біз
азаматтық құқықтарымызды еркін жүзеге асырудамыз. Әрі бұқаралық ақпарат
құралдарына есігіміз айқара ашық», - дейді кандидат Әбілғазы Құсайыновтың аймақтағы
науқан алды шараларын басқаратын сенімді өкілі. Ольга Клишина жауапкершілігі зор міндетті мойнына алғанын
айқын сезінеді.
Ольга
Клишина, ҚР Президенттігіне кандидат Ә.Құсайыновтың аймақтық сайлауалды штабы
жетекшісі:
Бүгінде
кандидаттың билбордтары мен плакаттары белгіленген орындарға ілінді. Қазір біз
Әбілғазы Құсайыновтың сайлаушыларға арналған сайлауалды тұғырнамасын
таратудамыз. Барлық адами, қаржылай және өзге де ресурстар жеткілікті.
Солтүстік
Қазақстандағы өңірлік штабтың отырысына қатысқан Әбілғазы Құсайынов алдағы
маңызды науқанға дайындық барысын да пысықтады. Саяси шараның салмағы зор
екенін мәлімдеді. Сайлаудың өту барысын қадағалайтын сенімді өкілдердің негізгі
міндеттерін белгілеп, тиісті тапсырмалар берді.
Базаргүл ОТЫНШИЕВА
