Непалдағы
жойқын жер сілкінісінен қаза болғандар саны 3200 адамнан асып кетті. Алты жарым
мыңнан астам тұрғын жарақат алды деп жазады Рейтерс. Табиғи апат ауқымын ескере
отырып,
кей ақпарат құралдары құрбандар саны сегіз мыңға жетуі мүмкін екенін
хабарлайды. Сегіз балдық жер сілкінісі сенбі болған еді.
Ел билігі бір күн
бұрын төтенше жағдай жариялады. Іздестіру-құтқару жұмыстарына әскерилер
жұмылдырылған. Сонымен қатар непалдықтарға Қытай, АҚШ, Канада, Австралия,
Жапония және Шри-Ланка құтқарушылары жәрдемдесуде. Гуманитарлық көмекпен қоса
шет мемлекеттер қаржылай да қолдау білдіріп жатыр. Бұған дейін еліміздің Сыртқы
істер министрлігі жойқын жер сілкінісінен
зардап шеккендер арасында қазақстандықтар жоқ екенін хабарлаған болатын.
Алайда
кейін Непал астанасы Катмандуда тұратын Қазақстан азаматы Елена Шерпаның табиғи
апат кезінде іс-түзсіз жоғалып кеткені туралы ақпарат тарады. Әзірге
отандасымыздың апаттан кейінгі тағдыры туралы ешқандай мәлімет жоқ.
Айгүл ӘДЕПБАЙ
