Астанада
«Допинг» жедел профилактикалық шарасы аясында жиырмаға жуық медициналық мекеме
тексеріліп, құрамында есірткі заттары бар дәрі-дәрмектерді рецептсіз сатты
деген айыппен жеке дәріханаларға қатысты 5 әкімшілік іс қозғалды.
Бұл туралы Астана қаласы Ішкі істер
департаментінің есірткі бизнесімен күрес басқармасы басшысының орынбасары
Қайрат Қадыров мәлімдеді. Айтуынша, заңсыз айналымнан құрамында кодеин бар «солпадеин»,
«тропикамит»
секілді дәрі-дәрмектер және 100 граммнан астам есірткі заттары тәркіленген.
Сондай-ақ, рейд барысында есірткі затын қолданған төрт жүргізуші ұсталған. Айта кетейік, «Допинг» жедел профилактикалық
шарасының екінші кезеңі 18-22 мамыр аралағында өткізілген болатын.
Қайрат
Қадыров, Астана қаласы Ішкі істер департаментінің есірткі бизнесімен күрес
басқармасы басшысының орынбасары:
Жыл
басынан есірткі бизнесі саласында 90-ға жуық қылмыс әшкереленді. Соның ішінде
85 килограммға жуық есірткі заттары алынды. Осы жедел шараларды өткізген
кезеңде 5 Әкімшілік кодексінің бұзушылықтары анықталды. Қазіргі уақытта
тексеріс жұмыстары жүргізіліп жатыр.
Жұрағат БАМАН
