Ресей Федерациясының премьері
Дмитрий Медведев Еуразиялық Экономикалық Одақ пен Вьетнам арасындағы еркін
экономикалық сауда туралы келісімге қол қойды. Бұл жөнінде министрлер
кабинетінің баспасөз-қызметі мәлімдеді, - деп хабарлайды «РИА Новости».
Келісімде Экономикалық одақ елдері мен Вьетнам арасында тауарлардың кедендік
баж салығын төмендету арқылы мемлекеттер арасындағы тарифтерді және халықаралық
сауданы ырықтандыру мәселесі қарастырылған. Ресей Үкіметі сондай-ақ, бұл келісімнің
тауар айналымын ұлғайтып, Еуразиялық Экономикалық Одақ елдері арасында
сауда-экономикалық ахуалды жақсартарына сенімді. Мұнан бөлек Азия-Тынық мұхиты
аймағы елдерімен ынтымақтастықты дамытуға да ықпалын тигізеді деген ойда. Еске
салайық, Еуразиялық Экономикалық Одаққа Қазақстан, Ресей, Белоруссия,
Қырғызстан мен Армения елдері мүше болып табылады.
Жұрағат БАМАН
