Президент
Нұрсұлтан Назарбаев Ақордада Хорватия Республикасының премьер-министрі Зоран
Милановичті қабылдады. Кездесу барысында екі елдің сауда-экономика, инвестиция,
отын-энергетика салаларындағы өзара іс-қимылын жандандыру мәселелері талқыланды, - деп хабарлайды Президенттің баспасөз қызметі.
Сондай-ақ кездесуде халықаралық
күн тәртібіндегі өзекті жайттар да қарастырылды. Зоран Миланович Қазақстан-Хорватия ынтымақтастығының
қарқыны артып келе жатқанын, бұл өзара қарым-қатынастың негізгі салаларына оң
ықпал етіп отырғанын атап өтті. Қазақстан Президенті еліміз бен Хорватия
арасында достық қатынастар орнағанын атап өтті.
Жұрағат БАМАН
