Ресейде халықаралық туризм
саласында қызмет көрсетіп жүрген 500-ден астам компания бизнестен кетті. Бұл
туралы ақпарат «Роспотребнадзор»-дың
сайтында жарияланған. Биылғы мәлімет бойынша, Ресейде жыл басында қаржылық кепілдігі
30 миллион рубльді құрайтын 1 мың 380 туроператор тіркелген. Олар негізінен
халықаралық бағытта қызмет етіп келген агенттіктер болатын. Ал, он бесінші
сәуірдегі Бірыңғай федералдық тізімде олардың саны бар жоғы 800-ге түсіп
қалғаны байқалады. Барлығы да қаржылық дағдырыстың салдарынан қызметін
тоқтатқанға ұқсайды. Өйткені, ресейліктер шетелге шығып демалудан бас тартып
жатыр. Тіпті, соңғы жылдары ресейлік туристердің саны шамамен 4 пайызға
азайған. Яғни, 600 мың адамға қысқарған. Түркия, Мысыр, Қытай, Тайландқа жиі
баратын ресейліктер енді демалысын Қырым мен Сочиде өткізуді қалайды екен.
Берік ХАСЕНОВ
