«Ресей басшысы Владимир Путин
мен батыс арасындағы тартыс жасанды сипатқа ие». Мұндай пікірді Ресейдің бір
кездердегі олигархы Михаил Ходорковский білдірді. Оның сөзінше, екеуара
қарым-қатынасының салқындауы - Ресей элитасының билікті ұстап қалу әрекетінен
туындаған. Атлантикалық кеңесте сөз сөйлеген Ходорковский «саяси элита елді
жайлаған жемқорлықты көзден таса қылу үшін халықтың көңілін қолдан жасаған
дау-дамайға, жауласуға бұруды көздейді»,- деді.
Экс мұнай магнатының сөзінше, Ресейдегі
саяси режимнің ішінде де қарама-қайшылықтар жетерлік. Себебі,
барлығы бір адамның айналасына байланған дейді ол. Бұл Ходорковскийдің
бостандыққа шыққалы бері билікті алғаш рет сынауы емес. Экс магнат қазір өзге
мемлекетте өмір сүруде.
Михаил
Ходорковский:
Ол орталықтандырылған,
бір адамның айналасында байланған саяси вертикаль құрды. Мұның ұтымды тұсы -
туындаған проблемаларды шешу үшін қалаған уақытта ресурстарды қолдана алады.
Кемшілігі неде десек оның проблемаларды шешу мүмкіндігі, бір адамның ақыл-ой
мүмкіндігі шеңберімен шектеледі. Ол ауыра қалған немесе қандай да бір
қиындықтарға ұшыраған жағдайда жүйе де шатқаяқтайды.
Азамат АЛДОҢҒАРОВ