«Астана
ЭКСПО-2017» компаниясының жаңа ұйымдастыру құрылымы таныстырылды. Ұлттық
компания басқарма төрағасының жаңа орынбасары болып Марлен Жакежанов
тағайындалған. Бұл туралы Астана қаласы әкімі, «Астана ЭКСПО-2017» ҰК» АҚ
басқарма төрағасы Әділбек Жақсыбековтың төрағалығымен өткен аппараттық
мәжілісте белгілі болды. Біріктірілген бірқатар құрылымдық бөлімшелерді
есептемегенде, Ұлттық компанияның департаменттері өзгеріссіз қалды. Сондай-ақ,
аппараттық мәжіліс шеңберінде көрмені жұртшылық арасында кеңінен таныстыру,
тіркеу құжаттамасына сәйкес демеушілерді тарту, халықаралық қатысушылармен
келісім-шарттар жасасу мәселелері қаралды. Елбасының тапсырмасы аясында
корпоративтік қатысушыларды - әлемдік брендтерді, инновациялық «жасыл»
технологиялардың көшбасшыларын тарту және жергілікті мазмұнды қамтамасыз ету
мәселелері де сөз болды.
Базаргүл
ОТЫНШИЕВА