Франсуа
Олланд қауіпсіздік кеңесінің шұғыл отырысын ашты. Жиында құпия ақпаратты жария
ететін халықаралық Wikileaks ұйымының соңғы мәлімдемесі көтерілді. Белгілі
болғандай,
Құрама штаттардың ұлттық қауіпсіздік агенттігі 6 жыл бойы Франция лидерлерінің
телефон әңгімелерін тыңдаған. Тыңшылар аңдыған президенттер қатарында Жак
Ширак, Николя Саркози және Франсуа Олланд бар. Бұны растайтын мәліметтер Ұлттық
қауіпсіздік агенттігінің 5 құпия баяндамасында сақтаулы. Құжаттар АҚШ-тың
барлау қоғамдастығы үшін дайындалған-мыс. Дей тұрғанмен, Ақүй бұл ақпаратты
барынша жоққа шығарып жатыр. Вашингтон ресми Париж сияқты «таптырмас
серіктесіне» опасыздық жасауға батылы бармайды, - дейді Ұлттық
қауіпсіздік кеңесінің өкілі Нед Прайс. Айтуынша, АҚШ арнайы қызметі Президент
Олландты нысанаға алған емес. Дегенмен, Францияның өзге
басшыларына тыңшылық жасалғандығы жөнінде Нед Прайс нақты жауап бермеді.
Ләйлә ҚАЗИАҚПАРОВА
