Грекия
билігі банкоматтардан тәулік ішінде ақша шешуді 60 еуроға дейін шектеді. Бұл
туралы БАҚ өкілдері хабар таратуда.
Грекия банктері 6-шілдеге дейін жабылады. Бұл мерзім ұзаруы мүмкін, - деп
хабарлайды Рейтерс. Сондай-ақ ел билігі шетелге қаржы аударымдарын жасауға да
тыйым салған. Алайда шектеу туристерге қатысты емес. Бұған дейін, Грекия
тұрғындары банкоматтардағы ақшаны жаппай сыпыра бастаған. Жуырда, кредиторлар
Афинаға ХВҚ-ның несиелерін өтеуді кейінге шегеруге келісім бермеді. Олар
сонымен қатар Грекияға қаржылай көмек халықаралық бағдарламасын жалғастырудан
үшінші рет бас тартып отыр. Оған жауап
ретінде, ел билігі несие мәселесін 5-шілдеде жалпыхалықтық референдумда
шешпекші. Грекия 30-шы маусымға дейін 1 млрд 600 млн еуро қарызын өтеуі тиіс,
алайда елде ақша жоқ. Афина жаңа несиелерге қол жеткізбесе, дефолт жариялап,
Еуроаймақтан шығуға мәжбүр болады.
Азамат
АЛДОҢҒАРОВ
