Татарстан
астанасы Қазан қаласындағы көшелердің біріне Қазақстан Президенті Нұрсұлтан
Назарбаевтың есімі берілді. Қала мэриясының шешімімен Эсперанто көшесі бұдан
былай Нұрсұлтан Назарбаев атындағы көше аталатын болды,-деп жазады ProKazan.ru сайты. Бұл
бастаманы Татарстан Республикасы қазақтарының ұлттық-мәдени автономиясы
көтерген еді. Бүгінде көшедегі тақтайшаларды ауыстыру жұмыстары аяқталуға
жақын. «Топонимика бойынша муниципалдық білім беру басшылығы бұл ұсынысты
қарады. Вахитов және Приволжск аудандары аймағындағы Эсперанто көшесіне
мекен-жай номерлерін сақтай отырып, Нұрсұлтан Назарбаев есімін беру туралы
шешім шығарылды»,- делінген қалалық атқару комитетінің баспасөз хабарламасында.
Ал Татарстан қазақтарының қуанышында шек жоқ.
Ләйлә
ҚАЗИВҚПАРОВА
