Шаңғы
жарысынан «Тур де Ски» көпкүндігі жалғасып жатыр. Германияда өткен 5-ші кезеңде
Қазақстан спортшысы Алексей Полторанин топ жарды. 15 шақырымға
классикалық әдіспен жүгіруде отандасымыз дұрыс тактика таңдады. Межелі жерге
санаулы метр қалғанда, Полторанин алдыңғы қатарға шығып алды.
Бас жүлде үшін талас жүргізген швейцариялық
Дарио Колонья да жерлесіміздің алдын орап кетуге тырысты. Дегенмен,
табандылығымен танылған қазақстандық спортшы қарсыласына қарағанда ширақ
қымылдып, мәре сызығын бірінші болып кесті. Екі спортшының арасын бір секунд
қана бөліп тұрды.
Бұл жетістігінен кейін Алексей Полторанин жалпы есепте 4-ші
орынға көтерілді. «Тур де Ски» жарысының 6-шы кезеңі Италияның Толбахе
қаласында өтеді. Бұл сында спортшылар 10 шақырымға еркін әдіспен жүгіреді.
Самат ҚАНАҒАТОВ
