Бағдарлама соңында АҚШ-ң сайланған президенті Дональд Трамптың жұбайы Меланья Трамп (қыз күнінде Кнавс) туралы бірер сөз. Бұрынғы Югославияда, қазіргі Словениядағы Севница қаласында 1970 жылы дүниеге келген. 16 жасынан модель және манекенщица болып істеген. РБК порталының жазуына қарағанда 5 тілде сөйлейді – словен, серб, ағылшын, француз және неміс тілдерінде. Оның суреттері белгілі сән басылымдарында жарияланған, тіпті жалаңаш та түскен... Трамппен 1999 жылы танысқан, олар ресми түрде 2005 жылы үйленген. 2006 жылы ұлы Бэррон дүниеге келген – ол Меланьяға дейін 2 рет үйленген Трамптың бесінші баласы.
Меланья Трамп
АҚШ-та дүниеге келмеген Американың екінші бірінші ханымы. Біріншісі 19-ғасырда
президент болған Куинси Адамстың әйелі британдық Луиза Адамс.
Ол күйеуінен 24 жылға жас. Бизнесі бар – зергерлік әшекей заттар, сағаттар және
косметика шығаратын.
Трамптың әйелдерге қалай тиіскені туралы жиіркенішті әңгімесінің жазбасы
шыққанда, күйеуімді халық кешіреді деуі, немесе сайлаушылардың алдында сөйлегенінде
Мишель Обаманың 2008 жылғы сөзінің екі абзацын сол күйі қайталағаны, Люблян
университетін бітірдім дегенімен, шын мәнінде оны бір жылдан кейін тастап
кеткені тағысын тағы –сән әлемінен шыққан АҚШ-ң болашақ бірінші ханымының ері
екеуі бір-біріне сайма-сай /немесе апама жездем сай/ екенін дәлелдейді.
