Тарихи түсірілімдер мен сирек кездесетін кадрлар. Елбасының 30-ға тарта таңдаулы фотосуреті Ұлттық академиялық кітапханадағы көрмеге қойылды. Іс-шараны Ұлттық академиялық кітапхана «Ел-Шежіре» қорымен бірлесе ұйымдастырып отыр. Тұңғыш Президент күніне арналған кітап және фото көрмесі 2 аптаға жалғасады. Ерекше суреттердің бірі-Нұрсұлтан Назарбаевтың шетелге алғашқы сапары-Қытайдан оралғандағы сұхбат беріп келе жатқан сәтінен жасалған. Фотографтар Президенттің әлемнің алып ел басшыларын қабылдап жатқаны, олимпиада чемпиондарын қарсы алып жатқан сәттерін түсірген. Көрмеде ресми іс-шаралардан бөлек әскери формамен жүрген және спортпен айналысып жатқан фотоларын да көруге болады.
Советбек МАҒЗҰМОВ, «ЛИТЕР» ГАЗЕТІНІҢ ФОТОТІЛШІСІ:
Керекті сәтті дер кезінде қағып алу оңай емес. Кейде Елбасының өзі де бізге көмектеседі. Көрмеде тұрған фотоның бәрі өміршең болады деп ойлаймын. Жылдар, тіпті, ғасырлар өтсе де жоғалмай, тарихқа айналады.
