Батыс Қазақстан облысында жер дауы. Мәслихат депутаты аудан әкімдігін сотқа берді. Істі Оралдағы облыстық мамандандырылған экономикалық сот қарауды бастады. Жәнібек аудандық мәслихатының депутаты Жанболат Ғұмаровтың арызына сәйкес, аудан әкімдігі заңсыздыққа жол берген. Ол өз шаруа қожалығының қасындағы 579 гектар жер телімін жалға алмақ болып, былтыр жазда конкурсқа қатысыпты. Бірақ комиссия басқа қожалыққа берген. «Депутаттың заңды өкілі, әкімдік өкілдері қожалықтың жерді игеретін мүмкіндігімен санаспады»- дейді. Тіпті ол қожалықтың әлеуетін асыра бағалап, деректерді қолдан өзгерткен деп отыр. Алғашқы сот отырысында дауласқан тараптардың уәжі тыңдалды. Ал, келесі сотқа облыстық жер қатынастары басқармасының өкілдері де шақыртылмақ.
Ерболат ШАУМОВ, АДВОКАТ:
Бірден беске дейін баға берген кезде конкурс мүшелері баға беретін парақтарға түзету енгізген. Онда бірден беске дейін баға беру керек деп көрсетіліп тұрса да, алайда бестікті төрттікке түзеген немесе сызып қойған. Талаптарымыз-аудан әкімінің осы комиссияның шешімін бұзып, конкурсты қайтадан өткізу.
Е. Карин
